October 17, 2007                                        News You Can Trust!!                                      Volume 7

Tuku e fakakau leka Kalafi mo e Taimi

(Kataki kae tu'u atu 'eku ki'i tohi nau fai kihe Taimi pea ikai kenau tali ke tu'u ai. Kuo mau fo'i mautolu he fakamatala loi kuo nau fai pea koe atunga e 'a e ikai kenau fie print mai 'eku tohi nau talamai koe fakamatala hala.)

Kataki kae tu'u atu 'i ho'o pepa 'a 'eku ki'i tohi ma'ulalo ni. Ho'o pehe na'e hange 'a e article na'e ha 'i he Kele'a ha fanongo talanoa. Na'ake toe pehe na'e tonu ke 'alu kihe Ofisi 'a e Palemia ke fai mai ha'anu tali. 'Oku ou pehe 'e au 'oku mo'oni 'a e ngaahi tukuaki ia kuo fai 'ehe Kele'a he kohai ia tene pehe mai koau na'aku tu'utu'uni ke to'o 'a e ngaahi tu'uaki mei he Kele'a?  

He'ikai ke lava 'a e kau pule he ngaahi kautaha kenau fakaha ko hai na'a ne fakahoko 'a e tu'utu'uni he kuo 'bind' nautolu 'e he me'a koe 'confidentiality' - kapau tenau lea 'e mole 'enau ngaue. Koia ai 'oku tatau ai pe pe 'e toe fai ha 'alu ia kihe 'Ofisi 'a e Palemia 'e kei tali tatau ai pe he kuo 'ilo 'ehe kau ngaue ka 'ilo'i ko nautolu na'a nau fakaha 'a e ngaahi me'a koia kihe Kele'a teu nau foki leva ki api 'o toe kumi ha'anau ngaue.

'Oku fu'u ha mahino mai pe ho'o taafataha pe 'a koe kihe Puleanga pea 'oku ikai kemau ofo ai he kuo hoko homou pule koe tama media officer ia 'a e Puleanga pea kuopau pe kemou tali tu'utu'uni na'a tuli pe mo koe. Koia ai 'ai mu'a ke tatau ho'o me'a 'oku fakaha mai he nusipepa ni moe reality.

Kapau na koau 'oku ou Palemia peau tu'utu'uni ke to'o 'ae ngaahi tu'uaki mei he Kele'a pea 'eke mai kiate au he'ikai pe keu lea au ia teu loi pe au kihe mate na'a 'ilo 'ehe kakai 'eku fakakau leka. He'ikai ke lava 'eha taha pe koha me'a kene ta'ofi 'a e totonu koia ai 'oku tatau ai pe 'a e lahi 'a ho'o mou feinga ke fakakovi'i 'a e Kele'a  moe kau fakafofonga 'oe kakai temau kei tui pe kiate kinautolu. 'Oku ou faka'amu pe 'e lava ke ma'u 'ehe Puleanga ha loto ma'ulalo katau ngaue fakataha kihe lelei 'o Tonga hono kotoa.

He koe tu'u he tainimi 'oku ikai ke fie tukulolo 'a e Puleanga ia kihe kakai moe kau fakafofonga he kapau tenau pehe, 'e fakaha aki ia 'a e vaivai. Koia ai tau feinga ke mahino koe kakai lotu kitautolu pea tau fetukulolo'aki kae lava ke tau ma'u ha Tonga faka'ofo'ofa mo lelei.

Faka'apa'apa atu,

David Kolo,

Mental Health Support Worker, Pacific Trust Canterbury