October 17, 2007                                        News You Can Trust!!                                      Volume 7

'Ai ha me'afua fo'ou 'oku 'utu'aki e kasa ngaohi kai

'Oku totonu ke toe 'i ai ha me'afua 'i ha kalasi ange 'e taha 'e lava e tokotaha 'utukasa mo e tokotaha fakatau kasa 'o fakatou mamata ki ai. Ko e me'a fua 'oku lolotonga ngaue'aki ko e tokotaha 'utu kasa pe 'oku ne 'ilo'i pau pe ko e kilo koaa 'e fiha 'oku 'utu he 'oku le'ei holo pe 'o 'ikai 'ilo pau 'ehe tokotaha fakatau kasa pe ko e kilo koaa 'e fiha 'oku 'osi 'i loto.

Na'e 'osi fai e faka'eke'eke ki he Potungaue Leipa fekau'aki mo e fa'ahinga me'afua ni pea nau talamai 'oku nau sivi tu'o ua he ta'u 'o fakapapau'i 'oku tonu.

'Oku sai pe hono sivi ia 'oku tonu ka 'e kei malava pe ia ke kehe e kilo ia 'oku totongi mei he kilo 'e 'utu ki he hina he 'oku 'ikai 'ilo'i pau 'ehe tokotaha fakatau kasa ia e kilo 'oku 'utu.

Fokotu'u atu pe 'e lava 'o ma'u e ngaahi fu'u me'afua 'oku fa'a 'asi he mala'evakapuna tene lava 'o fua 'a e kilo mamafa ange ka 'oku 'i ai e hui hange ha mata'iuasi 'e lava e tokotaha kotoa 'o 'ilo pe ko e kilo koaa 'e fiha 'oku 'utu.

Na'a ku to e afe atu he pausa 'e taha ko e fetongi hina kasa pea hili hono totongi pea talamai keu 'alu pe 'o 'omai. 'Alu atu au 'o lulu e 'u hina tatau 'oku nau mamafa kehekehe peau to'o mai 'e au e hina mamafa taha.

Ko e fehu'i ki he kau fakafetongi hina kasa, pe 'oku nau fiemalie pe ki he totongi ki he hina kasa fonu kanau 'omai e hina kasa 'oku vaeua pe 'o ngaue'aki.

Malo

Ta'efiemalie