October 17, 2007                                        News You Can Trust!!                                      Volume 7

Sione Taumoepeau moe kau Te’epato

Tangata’eiki

‘Oku ou lau ‘a e ngaahi ongoongo ki he ‘akapulu pea ‘oku ou lotomamahi he ni’ihi ‘oku fakafepaki ki he poate ‘akapulu he ‘oku mahino ko e fu’u kakai kotoa ‘oku te’epato ki he pule’anga.

Ko ‘eku lau hifo ngaahi hingoa ‘oku taki he fakafepaki ‘oku fieoli ‘aupito he ‘oku mo’oni ‘a e lau ‘a e Kele’a kimu’a ko e kau Kafi ‘eni kuo nau toe ‘asi he ‘akapulu. Tau sio pe ki he ngaahi hingoa ko Sione Taumoepeau, Lavulavu, Kelekolio, Sakopo Lolohea, Sione Petelo, Mailefihi, Lopini Tu’ivakano moe ni’ihi kehe. Tau ‘eke pe kia Kelekolio koeha ne tuli ai koe mei he polisi? Sakopo koeha na’ake malolo ai mei he RTA, E.M.Jones pea a’u ki he ‘akapulu? Sione Petelo koeha ne tuli ai koe mei he Immigration? Mailefihi koeha ‘oku kumi holo ai koe he pangike fakalakalaka? Lavulavu koeha na’ake hola mai ai mei ‘Amelika pea koeha ‘uhinga ne fakahu ai ko e he selo? Sione Taumoepeau kofe laukilu’akapulu ne fakaha he ‘atita ne mole lolotonga ‘oku ke tokoni palesiteni? Lopini koeha ‘oku fakakavenga’i ai kainga masiva ‘o Nukunuku he mali ho foha kae ‘ikai fai’aki pe lau mano ko ‘ena ‘oku totongi atu he pule’anga kia koe mo ho hoa?

Koia Sione Taumoepau moe kau te’epato mou ‘alu pe ‘o fai ‘a e kafi ki he pule’anga kae tukuange ‘akapulu ‘emau fanau he ‘oku lolotonga lele ‘i matangi.

Faka’apa’apa atu

Matu’a Tauhifanau

Ma’ufanga