October 17, 2007                                        News You Can Trust!!                                      Volume 7

'A'ahi 'Ikale Tahi ki he kau faingata'a'ia

Ko e ta 'o e 'Ikale Tahi 'i he feitu'u ne ha'i ai e fanga pulu, hili e 'a'ahi ki he kau toulekeleka.

Ko e me'a fakamafana ki he ngaahi kautaha ongoongo pea moe kakai 'o Falanise ko e lotoma'ulalo koia 'a e timi 'Ikale Tahi kenau 'a'ahi ki he kakai 'oku faingata'a'ia fakasino mo faka'atamai. Pea 'oku a'u aipe ki he kakai kuo toulekeleka 'enau afe atu kiai 'o nau fe'iloaki. Pea kuo talanoa'i ai he feitu'u 'oku nofo ai 'a e 'Ikale Tahi ko Montpellier 'a e fakatokilalo 'a e fanau 'Ikale Tahi ka nau afe ki he kakai faingata'a'ia. Pea 'oku nau fe'iloaki pea 'ai mo 'enau ngaahi la'ita moe timi. Ko e taha he ngaahi nofo'anga 'a e kau vaivai ne 'i ai tangata'eiki ta'u teau tupu na'e loto ke paasi ange kiai e pulu 'akapulu pea ne toe paasi fakafoki mai ki he fanau. Pea ko honau nofo'anga 'oku toutou lele pe ai 'a e ngaahi tau 'a e 'Ikale Tahi. Pea ne pehe ai he ni'ihi 'oe kau taki he kakai faingata'a'ia 'oku fakaofo kiate kinautolu kenau feohi mo e fanau ko 'eni 'oku nau 'asi he TV pea 'iloa ki mamani ka 'oku nau loto kenau maheni. Ko e 'ulungaanga 'eni 'a e 'Ikale Tahi 'e manatua ai kinautolu he Ipu 'a Mamani 2007 'i Falanise.